Qyteti i Elbasanit u përball me vështirësi në furnizimin me ujë, pasi qytetarët mbetën për 48 orë pa ujë për shkak të një defekti në linjën kryesore të transmetimit.
Ujësjellës Kanalizime Elbasan ka dalë me një njoftim zyrtar, ku bëhet me dije se, pas një ndërhyrjeje intensive dhe tepër të vështirë që zgjati 48 orë pa ndërprerje, u arrit finalizimi me sukses i punimeve në rrjet.
Sipas njoftimit, të gjitha zonat e prekura nga mungesa e furnizimit gjatë këtyre dy ditëve do të rikthehen gradualisht në furnizim normal me ujë.
Po ashtu, ata në njoftim kërkojnë mirëkuptimin e gjithë qytetarëve për shqetësimin e krijuar dhe vështirësitë me të cilat janë përballur.
Elbasani po përballet me mungesë uji pas Vlorës, ku edhe qytetarët vlonjatë u përballën disa ditë më parë me ndërprerjen e furnizimit me ujë për shkak të një defekti.
Marrë nga Newsbomb.al
