Protestat e banorëve të fshatit Baks-Rrjoll në Velipojë vijojnë prej disa ditësh, me kërkesën e qartë për mosndërtimin e resortit turistik në zonën e tyre.
Prek Molla, përfaqësues i banorëve, shprehet se vendosmëria e tyre është e pathyeshme: “Protesta nuk do të ndalet. Do t’i tregojmë shtetit shqiptar se këtë pronë nuk do e lëshojmë.”
Banorët kanë dërguar gjithashtu një mesazh të qartë edhe për Bashkim Ulaj, duke kërkuar përgjegjësi dhe ndërhyrje të menjëhershme për situatën në terren.
Gjatë këtyre ditëve të protestave ka pasur përplasje dhe shoqërime nga policia ndaj disa banorëve, ndërsa tensioni mes komunitetit dhe institucioneve mbetet i lartë.
Banorët e Baks-Rrjoll paralajmërojnë se do të vazhdojnë me veprime më të forta në rast se kërkesat e tyre nuk merren seriozisht, duke e bërë të qartë se mbrojtja e pronës dhe e zonës është prioriteti i tyre kryesor.
Marrë nga Syri.net
