Interi pëson një disfatë të rëndë në fushën e Bodo/Glimt (3-1), ku pësoi plot tre gola dhe shënoi vetëm një, për ta zbutur disi dështimit. Zikaltrit tani kanë një mision të madh: të përmbysin rezultatin në takimin e kthimit në ‘San Siro’, për të qenë mes 16 ekipeve më të mira të Championsit.
Interi has vështirësi në fushën e Bodø/Glimt në ndeshjen e parë të playoff-it të Ligës së Kampionëve.
Takimi nisi me ritëm të lartë, ndërsa zikaltrit tentuan të kërcënonin që në minutat e para. Në minutën e 5-të, Lautaro Martínez mori një pasim të bukur brenda zonës, por gjuajtja e tij u bllokua nga mbrojtësi vendas, duke sjellë një këndore për Interin.
Megjithatë, sfida u ndryshua në minutën e 20-të kur Sondre Fet shënoi për vendasit pas një pasimi perfekt të Kasper Høgh brenda zonës. 1-0 për Bodo/Glimt.
Interi pati një mundësi të madhe për barazim në minutën e 26-të, kur Matteo Darmian gjuajti në gol pas një harkimi të bukur brenda zonës, por topi goditi shtyllën e djathtë, duke humbur rastin për të rikthyer baraspeshën.
Gjithsesi, barazimi erdhi në minutën e 30-të nga Esposito, që u gjend në vendin dhe kohën e duhur për të shtyrë topin drejt rrjetës, 1-1.
Në minutën e 61-të të ndeshjes, Inter pësoi golin e dytë. Pas një pasimi të saktë të Kasper Høgh, Jens Hauge i Bodø/Glimt e çoi topin me një goditje precize drejt qoshes së sipërme të portës. Rezultati tani është 2-1.
Tjetër gol nga vendësit: në minutën e 64-t, Ole Blomberg shërbeu një pasim perfekt për Kasper Høgh brenda zonës, i cili nuk gaboi dhe dërgoi topin në qoshen e poshtme të djathtë të portës, duke kaluar portierin Yann Sommer.
Në takimet e tjera, Atletico Madridi barazoi 3-3 në fushën e Club Brugge, ndërsa Bayer Leverkusen triumfoi 2-0 në transfertë ndaj Olympiakosit.
Marrë nga Syri TV
