Departamenti Amerikan i Shtetit po zhvillon një portal online, të quajtur “freedom.gov”, që do t’u lejojë shtetasve në Evropë dhe vende të tjera të shohin përmbajtje të ndaluara nga qeveritë e tyre – përfshirë materiale që trajtohen si gjuhë urrejtjeje apo propagandë terroriste, thanë tre burime të njohura me këtë plan, të cituara nga Reuters.
Qëllimi i portalit është të kundërshtojë censurën dhe të nxisë lirinë digjitale, sipas burimeve.
Sipas burimeve, faqja do të hostohet në adresën “freedom.gov”. Një prej tyre tha se zyrtarët kanë diskutuar për përfshirjen e një funksioni rrjeti privat virtual (VPN), që do ta bënte trafikun e përdoruesit të dukej sikur ka origjinë nga SHBA-ja, dhe shtoi se aktiviteti i përdoruesve në këtë faqe nuk do të gjurmohet.
Projekti pritet të prezantohet në Konferencën e Sigurisë në Mynih, por u shty. Disa zyrtarë, përfshirë avokatë, kanë ngritur shqetësime lidhur me këtë projekt, thanë burimet.
Iniciativa mund të tensionojë më tej marrëdhëniet midis administratës amerikane dhe aleatëve të saj në Evropë, të cilët kanë ligje të rrepta për përmbajtjen online, si Digital Services Act të BE-së.
Marrë nga Reuters
