Nga kjo e mërkurë evropianët që hyjnë në Britani do të duhet të pajisen me një autorizim elektronik nga Ministria e Brendshme Britanike. Një masë kjo që synon forcimin e sigurisë së kufijve britanikë në kuadër edhe të kufizimeve që janë vendosur pas BREXIT.
Qytetarët që do të duan të udhëtojnë drejt Britanisë do të plotësojnë formularin të paktën 3 ditë para ditës së udhëtimit. Ata do të japin informacion për identitetin e tyre dhe do t’i përgjigjen një sërë pyetjesh, të cilat ndër të tjera do të kenë të bëjnë me çështjet e sigurisë
Kostoja e lëshimit të këtij dokumenti – të cilin udhëtarët duhet ta tregojnë në aeroporte ose stacione treni është 10 paund 12 euro, por nga 9 prilli do të rritet në 16 paund ose rreth 19 euro.
Autorizimi është i vlefshëm për dy vjet dhe i lejon mbajtësit të të qëndrojë në Britani për një periudhë prej gjashtë muajsh.
Siç shpjegoi Phil Douglas, drejtor i përgjithshëm i Policisë Kufitare Britanike edhe udhëtarët që kalojnë tranzit përmes Britanisë do t’u kërkohet të pajisen këtë leje, me përjashtim të atyre që kalojnë nëpër aeroporte të caktuara, si Heathrow dhe Manchester.
“Nëse nuk jeni shtetas i një vendi që kërkon vizë, shtetas britanik ose irlandez, ne duam të kontrollojmë të dhënat tuaja përpara se të niseni për të konfirmuar nëse mund të udhëtoni në Britaninë e madhe. Do të ketë një periudhë tranzicioni, gjatë së cilës autoritetet do të tregojnë njëfarë tolerance, që do të zgjasë deri në shtator ose tetor. Por pas kësaj, askush nuk do të mund të hipë në avion apo tren për të ardhur në Britani“.
Me përjashtim të Irlandës, të gjithë shtetasit e vendeve të BE-së, do të duhet të pajisen një autorizim elektronik udhëtimi Edhe Bashkimi Evropian planifikon të miratojë një sistem të ngjashëm në vitin 2026.
Marrë nga MCNtv.al
