Gjashtë statuja të lashta të epokës romake janë vjedhur nga muzeu kombëtar në kryeqytetin sirian, Damask, duke çuar në mbylljen e përkohshme të objektit.
Muzeu në fjalë ishte rihapur në janar të këtij viti, në një kohë kur vendi po rikuperohej nga lufta civile 14-vjeçare dhe rënia e sundimit 54-vjeçar të familjes al-Assad, vitin e kaluar.
Ky është muzeu më i madh i vendit, dhe mbart objekte antike të rëndësishmë. Një zyrtar i Drejtorisë së Përgjithshme të Antikiteteve dhe Muzeve të Sirisë tha se grabitja kishte ndodhur të dielën në mbrëmje dhe ishte zbuluar kur një nga dyert në departamentin klasik ishte gjetur e thyer.
Kujtojmë se grabitja vjen vetëm disa javë pasi hajdutët e maskuar si punëtorë ndërtimi vodhën një numër bizhuterish nga koleksioni i xhevahireve të kurorës franceze në muzeun e Luvrit në Paris.
Marrë nga Associated Press
