Është goditur një rast mashtrimi kompjuterik në Tiranë, ku një 21 vjeçar nga Laçi mashtronte qytetarët përmes një profili të rremë në rrjetet sociale.
Orlando Gjoka, përmes profilit të rremë nën logon dhe emrin e bankës, kontaktonte qytetarët dhe u ofronte kredi të rreme pranë bankës, ndërsa nëpërmjet aksesit të paautorizuar në llogaritë e tyre bankare, arrinte të boshatiste fondet.
Në rastet kur llogaritë nuk kishin para, ai i shtynte qytetarët të depozitonin shuma nga 750 deri në 1 500 euro, me premtimin e rremë të një kredie prej 15 000 eurosh.
Po ashtu janë proceduar penalisht edhe dy shtetas të tjerë D. G 23 vjeç dhe E. Gj 21 vjeç, të cilët mendohen të jenë bashkëpunëtorë.
Hetimet vijojnë për zbardhjen e plotë të skemës dhe identifikimin e bashkëpunëtorëve të tjerë të mundshëm.
Marrë nga Newsbomb.al
