Izraeli njoftoi se të dielën avionët e Forcave Ajrore vranë Abdel Fattah al-Zarii, ministrin e Ekonomisë të Hamasit, me një rol të rëndësishëm në menaxhimin e kontrollit të mbërritjes së mallrave humanitare në Rripin e Gazës dhe në menaxhimin e tregjeve të kontrolluara nga milicia islamike.
Ai ishte përgjegjës për shpërndarjen e karburantit, gazit dhe fondeve për operacionet terroriste.
Al-Zarii, sipas Forcës së Mbrojtjes së Izraelit, luajti rol të rëndësishëm në drejtimin e përpjekjeve të Hamasit për të kapur kontrollin e ndihmave humanitare që hyjnë në Rripin e Gazës, si dhe në menaxhimin e tregjeve të kontrolluara nga Hamasi.
Mediat palestineze raportuan se vrasja e Al-Zarii-t ndodhi në Deir al-Balah të Gazës qendrore, ku gjatë sulmit humbi jetën edhe nëna e tij.
