Në stadiumin “Selman Stermasi” mbrëmë u mbajt një nga koncertet më të veçanta muzikore, koncerti i këngëtarit grek, Konstantinos Argiros.
Ndërsa për disa orë ka “elektrizuar” stadiumin “Selman Stermasi” me performacën e tij, mësohet se mbi 215 ankesa janë bërë nga banorët e njësisë numër 5 në kryeqytet, për shkak të zhurmës së shkaktuar.
Policia pas ankesave, mësohet se është detyruar t’iu kërkojë organizatorëve të ulin volumin, si dhe ta mbyllin koncertin më parë nga çfarë ishte parashikuar.
Një reagim ka ardhur nga Ambasada greke në Tiranë, duke e quajtur si një veprim racist nga ana e shtetasve shqiptarë, pasi në stadiumin “Selman Stermasi”, gjatë verës, janë mbajtur shumë koncerte të tjera, nga artistë shqiptarë dhe të huaj.
