Kryeministri Edi Rama ka mbledhur ditën e djeshme Grupin Parlamentar si dhe qeverinë.
Gjatë mbledhjes, Rama ka prezantuar nismën më të re të qeverisë.
Ai e ka quajtur këtë nisëm ‘Punët për Shqipërinë’ dhe kjo parashikon që të gjithë deputetët dhe ministrat do të jenë në terren.
Sipas kësaj nisme, të gjithë deputetët do të përballen me qytetarët rreth punëve të qeverisë këto kohë. Po ashtu gjatë kësaj kohe do të bëhet dhe riorganizimi i Partisë Socialiste deri në 12 qershor kur përkon edhe me 35 vjetorin e themelimit të PS-së.
Gjatë mbledhjes ka pasur edhe një përplasje mes Erjona Ismailit ministre për Marrëdhëniet me Parlamentin dhe Elisa Spiropalit, ish ministre. Teksa Ismaili ishte duke folur për strategjinë e komunikimit, Spiropali ka nisur të qeshë.
Ky gjest i saj është parë nga ministrja Ismaili, e cila i është drejtuar duke i thën që s’ka pse të qeshë. Në këto moment ka ndërhyrë edhe Rama, duke iu drejtuar Spiropalit me fjalët: “nuk ndërhyn dot tek sa po flet Eriona”.
Përplasja mes ministres dhe ish-ministres nuk ka mbaruar me kaq, pasi Erjona Ismaili ka këmbëngulur në kërkimin ndjesë nga Spiropali.
Më pas, Kryeministri ka ndërhyrë sërish kryeministri Rama, i cili i është drejtuar Spiropalit me fjalët: “mos më provoko të të nxjerr përjashtë”.
Marrë nga Dosja.al
