Në ditën e 102 të rezistencës protestuesit forcuan aksionin politik. Pas mbarimit të fjalimeve para kryeministrisë, protestuesit vijuan marshimin nëpër rrugët kryesore të Tiranës duke u bërë thirrje qytetarëve të bashkohen me ta.
Ata lëvizën nga bulevardi “Dëshmorët e Kombit’, drejt rrugës ‘Vasil Shanto’ për të ndaluar më pas tek rrethrrotullimi i 21 Dhjetorit, ku dhe janë ndalur prej më shumë se 30 minutash, duke bllokuar lëvizjen e makinave.
Më pas protestuesit vijuan marshimin drejt rrugës së Kavajës për tu kthyer më pas sërish tek godina e kryeministrisë.
Ata thërrisnin ‘Rama jepe dorëheqjen!’, ‘Ju erdhi fundi’.
Po gjatë pasdites së sotme grupe protestuesish u ulën këmbëkryq në kryqëzimin tek ‘Rruga e Elbasanit’, apo dhe tek ura e madhe e unazës për të ndaluar lëvizjen e makinave.
Marrë nga Syri.net
