Arsenali është shpallur kampion i Anglisë, pa zbritur fare në fushë.
“Topçinjtë” kanë përfituar nga barazimi 1-1 i Manchester Cityt me Bournemouthin, rezultat që vulosi matematikisht triumfin e skuadrës londineze në Premier League.
Skuadra e Pep Guardiolës dështoi në një nga ndeshjet më të rëndësishme të sezonit, duke mos fituar dot ndaj një Bournemouthi fantastik, që luajti me zemër dhe disiplinë deri në vërshëllimën finale.
City provoi të reagojë gjatë gjithë sfidës, por vendasit rezistuan me sukses dhe ruajtën barazimin 1-1, duke i bërë nder Arsenalit, që feston nga “shtëpia”.
Ky rezultat i dha fund çdo llogarie për titullin, me Arsenalin që rikthehet te kurora e Premier League pas një pritjeje të gjatë.
Më 82 pikë Arsenali dhe 78 Manchester City, java e fundit e Premier League bëhet e pavlefshme për trofeun.
Festa shpërtheu menjëherë në Londër, ndërsa tifozët “gunners” nisën kremtimet për një sukses historik.
Skuadra e drejtuar nga Mikel Arteta ka zhvilluar një sezon fantastik, duke treguar vazhdimësi, karakter dhe futboll spektakolar, ndërsa në fund shpërblehet me trofeun më të rëndësishëm në Angli.
Nga ana tjetër, Manchester City mbyll një sezon zhgënjyes për standardet e vendosura në vitet e fundit, ndërsa humbja ndaj Bournemouthit do të mbetet një nga momentet më të dhimbshme të kampionatit.
Marrë nga Channel4.com
